Masallının rəqs “akademik”i və onun adidən də adi həyatı - VIDEO



Masallı rayonunun ölkə şöhrətli alimləri, din xadimləri, pəhləvanları kifayət qədər olsa da, “Halay” mahnı və rəqs ansamblı istisna olmaqla kollektiv, kütləvi rəqslərlə bağlı elə də güclü uğurları olmamışdır.

Son 5-6 ildə isə öncə Mətin Ələkbərlinin Masallıya gəlişi burada kollektiv rəqslərdə bir canlanma yaratmışdır. Sonrakı 4 ilin bütün uğurları isə tanınmış xareoqraf Gündüz Babayevin adı ilə bağlıdır.

Masallının rəqs “akademik”i və onun adidən də adi həyatı - VIDEO


Gündüzün həyat yolu adidən də adi bir ömürdür. Lakin o, adiliklə 200-dən artıq gəncə rəqsin sirlərini öyrədib.

Gündüzün yarıkönül seçdiyi sənət

Masallının rəqs “akademik”i və onun adidən də adi həyatı - VIDEO


Gündüz: - 29 yaşım var. Şirvan şəhərində anadan olmuşam.
Atam suvaqçı, anam evdar qadındır. Bir qardaşım və bir bacım var.
10 yaşına kimi çox adi bir ömür yaşadım. Məhz 10 yaşım tamam olan ili isə həyatımı tamam dəyişən bir addım atmalı oldum.

Xəyalınıza başqa bir şey gəlməsin. Hər hansı qəza, faciə-filan baş verməyib. 1999-cu ildə Şirvan şəhərinə gələn tanınmış xareoqraf, Respublikanın Əməkdar Artisti Rafiq Əzizov xareoqrafiya məktəbində oxumaq üçün şagirdlər toplayırdı. Bizim də ailəyə bu barədə təklif gəldi və atam böyük həvəslə məni və qardaşımı həmin müsabiqəyə yolladı. Qardaşımın gözündə problem olduğu üçün komissiya onu qəbul etmədi. Mən isə bəzi sınaqlardan uğurla keçməsəm də, hətta özümün bu işə o qədər də ciddi marağım olmasa da Xareoqafiya məktəbinə qəbul edildim.

Bu məktəb haqqında qısa məlumat

Məlumat üçün bildirək ki, ixtisaslaşdırılmış Xareoqrofiya məktəbinə daxil olanlara elə həmin məktəbdə orta təhsil proqramında dərslər keçirilir, şagirdlər həm orada qalır, həm orta təhsil alır, həm də xareoqrafiyanın sirlərini öyrənirlər.

“İllər ötdükcə bu sənət könlümə yatdı”

Xareoqrafiya sənəti tədricən də olsa ürəyimə yol tapdı. Rəqs dünyası mənim üçün əvəzolunmaz bir aləmə çevrildi. Müşahidə etdim ki, yaxşı rəqqas üçün bütün qapılar açıqdır, hər şənlikdə yaxşı rəqqasın xüsusi yeri var.


Masallının rəqs “akademik”i və onun adidən də adi həyatı - VIDEO


2010-ci ildə hərbi xidmətdən qayıdandan sonra Musiqili Komediya Teatrında işə düzəldim.

Masallının rəqs “akademik”i və onun adidən də adi həyatı - VIDEO


Burada bir neçə il çalışdım. Lakin buradakı aşağı əmək haqqı bir çox istəklərimi – ev almaq, ailə qurmaq və sair. reallaşdırmağa imkan vermirdi.

Öz doğma rayonum Şirvana qayıtdım. Burada özəl rəqs qrupları təşkil etdim. Yavaş-yavaş işləri yoluna qoyurdum.

Masallıdan gələn təklif


2014 - cü ildə mənə Musiqili Teatrının direktoru Əliqismət Lalayev zəng etdi ki, Masallıda rəqs qruppası yaratmaq istəyirlər, bacarıqlı bir rəqs müəlliminə ehtiyac var. Sənin namizədliyini irəli sürmüşük (Ona da Lətifə Mövsümova zəng vurubmuş. Daha sonra bəlli oldu ki, Masallıda mükəmməl rəqs kollektivi yaratmaq rayon İcra Hakimiyyətinin başçısı Rafil müəllimin arzu və istəyi imiş). Xeyli tərəddüd etsəm də, təkidlə edilən zənglərdən sonra atamla Masallıya gəldik. Mədəniyyət şöbəsinin müdiri Lətifə Mövsümova bizi çox hörmətlə qəbul etdi. Dedi sənə burada ev də təşkil edirik, normal əmək haqqı da, gəl burada rəqs qrupu yarat.

Yenə bir qədər tərəddüdən sonra, təkliflə razılaşdım və taleyimi Masallı ilə bağladım.



Bu yurda o qədər bağlandım ki, həm də masallılı qızla ailə həyatı qurdum, bir övladımız da var.

“Papaq”-la başlayan rəqsim

Burada ilk quruluş verdiyim əyləncəli “Papaq” rəqsi oldu ki, sonralar onlarla rəqsə quruluş versəm də “Papaq” repertuarımızdan düşmədi. Çox qürur duyuram ki, Masallıda 200-dən artıq şagirdə qədim və müasir rəqslərin sirrini öyrədə bilmişəm. Rəqs qruplarının coğrafiyasını genişləndirmək üçün Kalinovka – indi Viləş və Boradigahda da qruplar açdıq. Amma çoxlarının maddi durumu imkan vermədi ki, bu işi davamlı edək.

Hazırda Heydər Əliyev Mərkəzində rəqs qrupuna rəhbərlik edirəm. Qrupumda kifayət qədər istedadlı oğlan və qızlar var.




Həm də maraqlıdır ki, son vaxtlar ailə quran çütlüklər toy günü xüsusi rəqslər ifa etmək üçün bizə müraciət edir.

Uğurlarım siyahısına nəzər salanda isə, bir neçə ay Belarusiyada keçirilən müsabiqədə Azərbaycanı təmsil etmişəm.

Bu il aprelin 23-də isə Türkiyədə keçirilən Cocuklar Bayramında 8 şagirdimlə Azərbaycanı təmsil etdim.



Bir az keçmişə qayıtsaq, ilk uğurlu çıxışım 2012-ci ildə “Xəzər- Lənkəran” stadionunda U-17 yaşlı Qadınlar arasında Dünya Çempionatının açılışında 100 nəfər (50 qız, 50 oğlan) rəqqasın sırasında mən də var idim.

Masallının rəqs “akademik”i və onun adidən də adi həyatı - VIDEO


Ən böyük arzum, stadionda 300-500 rəqqasın iştirakı ilə Azərbaycanın xəritəsini və bayrağını canlandırmaqdır.

Masallı əhalisindən isə çox razıyam. Hər yerdə hədsiz mehribanlıq və səmimiyyət görürəm. Son vaxtlar rəqsə meyl göstərənlərin də sayı artıb. Görünür, çoxları başa düşür ki, rəqs təkcə gözəllik, idman yox, həm də mənəvi saflıqdır. Ürəkdən rəqs edən adamın inanmıram ki qəlbində pisliyə, paxıllığa yer ola.

Qeyd: Gündüz Babayevin quruluş verdiyi rəqslərlə daha ətraflı tanış olmaq üçün aşağıdakı linklərə də baxa bilərsiniz.


Aynur







R4suloffR4suloff

OXUNMA SAYI :1169

PAYLAŞ
Digər Xəbərlər
Gündəm
Hüquq-Kriminal
ELANLAR
Facebook Səhifəmiz
CenubXeberleri.com © 2o1o-2o17 - Bütün Hüquqlar Qorunur.
- Hazırladı Tural Rasuloff
Arkivan.az Arkivan.az