Tələbə Fondunun yaradılması ilə bağlı Təşəbbüs Qrupu öz işinə başlayır



Hər şey tələbə üçün deyib möhtəşəm bir yola çıxırıq.

Yaxın günlərdə Tələbə Fondunun yaradılması ilə bağlı Təşəbbüs Qrupu öz işinə başlayacaq. Təşəbbüs Qupunun iclasında Fondun Nizamnaməsi təsdiq olunacaq və dövlət qeydiyyatına alınması üçün aidiyyatı qrumlara göndəriləcəkdir.

Bu Fond ölkəmizdə fəaliyyət göstərən bütün ali məktəblərdə təhsil alan, lakin dərslərini mükəmməl şəkildə oxuyan, maddi durumu çox zəif tələbələrin ikinci güman yeri olacaqdır. Birinci güman yerimiz əlbəttə ki, dövlətimizdir.

Biz təkcə onların təhsil haqqına deyil, eyni zamanda geyimləri, yol və yemək xərcləri, o cümlədə maddi ehtiyaclarını qarşılaya bilmək üçün işlər aparacağıq. Xüsusi istedadlı tələbələrimiz üçün də burslarımızın olmasını düşünürük.

Son günlər hamımıza məlum oldu ki, əslində təhsilimizə cəmiyyət tərəfindən də ciddi dəstək var, lakin bu, pərakəndə şəkildədir. Buna görə də düşündük ki, fəaliyyətimizi genişləndirilmiş və mərkəzləşdirilmiş şəkildə davam etdirsək, daha məsədəuyğun olar. Bu barədə bir çox nüfuzlu şəxslərlə də müzakirələr apardıq. Bizə onlar tərəfindən də çox müsbət dəstək nümayiş olundu.

Tələbə Fondunun İdarə Heyəti əsasən tələbələrdən formalaşacaqdır.

Fondun İctimai Nəzarət Şurasında ictimai xadimlər, millət vəkilləri, cəmiyyətin rəğbət bəslədiyi nüfuz sahibləri və s. yer alacaqdır. Bu da bizim işimizin şəffafllğını təmin edəcək. Hər ay gördüyümüz işlər barəsində də hesabatlar təqdim edəcəyik.

Fondun daxilində Komissiya fəaliyyət göstərcək ki, bu da müraciətlərin obyektiv şəkildə araşdırılmasına baxacaq.

Hər şey millət və dövlət yolunda.

Əlbəttə, dövlətimiz və dövlətçilik ənənələrimizə sadiq gənclərə dəstək olmaq, sabahımıza yatırım etmək hər birimizin borcudur.
Rəy yaz
  • Yazarlar
  • Elanlar
  • PDF

Zahir Amanaov

  • 21:19
  • 634

Təcili satılır!

  • 04:07
  • 2 035
Sosialda Biz
  • Vkontakt
  • Facebook
  • Twitter