Rövşən Lənkəranskinin il mərasiminə on minlərlə insan gəlib


Rövşən Lənkəranskinin il mərasiminə on minlərlə insan gəlibTəkcə ziyarətçilərin maşınlarının sayı 1000-dən artıqdır

Bu gün Lənkəranda paralel dünyanın ("cinayət" aləminin) ən yüksək səviyyəli işlətmələrində, araşdırmalarında və hökmlərində mühüm söz və əməl sahibi Rövşən Lənkəranskinin İL MƏRASİMİ keçirilir.
Böyük qardaşa ehtiram əlaməti olaraq Lənkəran şəhərində bütün toy mərasimləri təxirə salınıb.


Hüzr mərasiminin çadırı 50 metri keçər. İçəridə olduğu qədər də insan bayırda içəriyə daxil olmaq üçün növbə gözləyir.

Bunlar əsasən 20-35 yaş arası gənclərdir. Mərasim çadırına 1-ci növbədə şəhərin və ətraf rayonların yaşlı, tanınmış, hörmətli və ziyalı insanları daxil olur.

Ehsan süfrəsi və xidmət ən mükəmməl və yüksək səviyyədə təşkil olunub. İmkansız ailələrə ehsan bağlamaları paylanılır. Şəhərin Kiçik Bazar nahiyyəsində bütün gələnlərə qarşı ən yüksək səviyyədə hörmət, ehtiram göstərilir.

Kənar seriyalı bütün maşınların bir ünvanı var. Soruşmağa ehtiyac yoxdur: ünvan Kiçik Bazar, Şəhidlər xiyabanı küçəsidir.

Küçə boyu birtərəfli qaydada mindən çox avtomobil düzülmüşdür. İnsanlar öz istəkləri ilə, fərdi qaydada günboyu Kiçik Bazar qəbristanlığına, Böyük qardaşın məzarı üstünə gedir. "Yasin" sürəsi oxunur, ruhuna fatehə verilir.

Bizim iştirak etdiyimiz bu saatlarda ərazidə bir neçə min insan toplanmışdı. Hamı başqalarına mədəniyyət və ehtiram göstərməyə köklənib. Ərazidə adi günlərdə olduğundan daha sakitlik və təmizlik hökm sürür.
Mərhumun Azərbaycan naminə etmiş olduğu böyük işlərin kiçik bir qismi indi-indi məlum olur.

ALLAH RƏHMƏT ELƏSİN!

Rövşən Lənkəranski Böyük azərbaycanlılardan və Böyük lənkəranlılardan


Məlumatı cənubun tanınmış yazarı Hafis Mirzə öz səhifəsində paylaşıb.

R4suloffR4suloff

OXUNMA SAYI :787

PAYLAŞ
Digər Xəbərlər
Gündəm
Hüquq-Kriminal
ELANLAR
Facebook Səhifəmiz
CenubXeberleri.com © 2o1o-2o17 - Bütün Hüquqlar Qorunur.
- Hazırladı Tural Rasuloff