Bölgə jurnalistləri Masallıda ənənəvi tədbirə toplaşdı


Masallı icra hakimiyyəti 20-dən artıq jurnalistin şərəfinə ziyafət verdi


Bölgə jurnalistləri Masallıda ənənəvi tədbirə toplaşdı


İlk ixtisası jurnalist olan Rafil Hüseynov 2012-ci ildən Masallıya icra başçısı təyin olunandan sonra hər il Mətbuat günündə cənub bölgəsindən olan jurnalistləri bir araya toplayır, onların fikirlərini, qayğılarını öyrənir, şərəflərinə ziyafət verir, mükafatlandırır, onları rayonda aparılan quruculuq işləri ilə tanış edir.

Bu il də Masallı icra hakimiyyəti ənənəsinə sadiq qalıb.

İcra başçısı məzuniyyətdə olsa da, onun müavini Nəsir Muxtarlı ölkə televiziyalarının və aparıcı agentliklərin cənub bölgəsində çalışan təmsilçilərini və yerli jurnalistləri bir araya gətirmişdi.

Bölgə jurnalistləri Masallıda ənənəvi tədbirə toplaşdı


Bayraq Meydanının cənub istiqamətində yeni salınmış istirahət mərkəzində təşkil olunmuş tədbirdə qonaqları salamlayan İHB-nin müavini Nəsir Muxtarlı rayonda keçirilən quruculuq işlərindən və nəzərdə tutlan işlərdən danışdı.

Xüsusilə vurğuladı ki, yaxın vaxtlarda Viləşçay dəryaçasının 2-ci bəndinin, eləcə də Qəriblər kəndində ilboyu ən azı 500 nəfərə yaxın qonaq qəbul edəcək, qış aylarında da fəaliyyət göstərəcək istirahət mərkəzlərinin inşasına başlanılacaq, yaxın günlərdə “Sənaye məhəlləsi"nin təntənəli təməl qoyma mərasimi keçiriləcək.

Tədbirə qatılan qonaqlar Masallıda jurnalistlərə göstərilən belə diqqəti böyük məmnunluqla qarşılayıb çıxışlarında dönə-dönə vurğuladılar ki, heç bir rayonda jurnalistlərə belə diqqət göstərilmir.

Bəzi rayonlarda icradakı məmurlardan heç normal məlumat öyrənmək problemə çevrilib.

Bölgə jurnalistləri Masallıda ənənəvi tədbirə toplaşdı


Sonda kollektiv şəkil çəkdirən jurnalistlər Masallını xoş təəssüratla tərk etdilər.

Abdul Əsgərli

R4suloffR4suloff

OXUNMA SAYI :825

PAYLAŞ
Digər Xəbərlər
Gündəm
Hüquq-Kriminal
ELANLAR
Facebook Səhifəmiz
CenubXeberleri.com © 2o1o-2o17 - Bütün Hüquqlar Qorunur.
- Hazırladı Tural Rasuloff